Qirg‘izistonda sobiq prezident Atamboyevni daxlsizlikdan mahrum etish taklif qilinmoqda

Qirg‘izistonlik parlamentariylarning so‘zlariga ko‘ra, sobiq davlat rahbari mamlakat uchun ko‘p zararga sabab bo‘lgan bitimni tuzishda aybdordir, deb xabar qilmoqda «Kursiv».

Xususan, muxolif fraksiya «Onuguu-Progress» deputati Ishoq Masaliyev va «Respublika - Ata-Jurt» hukumatga yaqin fraksiya parlamentariysi Qurmanqul Zulushev «Prezident faoliyatining kafolatlari to‘g‘risida»gi qonunga tuzatishlarni palatadagi muhokamalarga olib chiqqan. 

«Jamoatchilik eshituvlaridan so‘ng qonunga kiritilishi taklif o‘zgarishlar tuzatishlarning dastlabki versiyasi qayta ishlandi va undan 12-moddani chiqarib tashlash taklif etilmoqda. Qonun sobiq davlat rahbarining to‘liq daxlsizligini cheklashni nazarda tutadi, 12-modda esa - sobiq prezidentga to‘liq daxlsizlikni kafolatlaydi», - deya aytib o‘tdi parlament matbuot xizmati vakili.

Qirg‘iziston parlamenti veb-saytida aytilishicha, keyinchalik Qirg‘iziston sobiq prezidenti daxlsizlikdan mahrum etiladi va uni prezidentlik vakolatlarini bajarish chog‘idagi harakatlari yoki harakatsizligi uchun tegishli javobgarlikka tortish mumkin.

Muhokama chog‘ida deputatlar 2017 yilning noyabrida o‘z vakolatlarini topshirgan sobiq prezident Almazbek Atamboyev 2013 yilda Xitoyning TBEA kompaniyasi bilan XXR «Eksimbank»i kredit mablag‘lariga IES modernizatsiyasi uchun Qirg‘izistonga zararli bo‘lgan ko‘p millionli bitim imzolangani uchun mas'ul ekanini ma'lum qilishdi.

Eslatib o‘tamiz, avvalroq qirg‘izistonlik deputat O‘zbekistonga suv sotishni taklif qilgandi.