O‘zbekiston Respublikasi prezidenti Shavkat Mirziyoyevning Hindistonga amalga oshirgan tashrifi yakunlari bo‘yicha qo‘shma harbiy mashqlarni o‘tkazish to‘g‘risidagi kelishuvga erishildi.
«Tomonlar mudofaa va mudofaa sanoati sohasida hamkorlikni kengaytirish va mustahkamlash uchun yaqin hamkorlik qilishga kelishib oldilar. Shu nuqtai nazardan, har ikki tomon terrorizmga qarshi kurash sohasida qo‘shma harbiy mashqlarni o‘tkazishga, harbiy ta'lim va harbiy tibbiyot sohalarida hamkorlik qilishga kelishib oldilar», - deyiladi Shavkat Mirziyoyev va Hindiston bosh vaziri Narendra Modining qo‘shma bayonotida.
Bundan tashqari, mudofaa bilan bog‘liq o‘zaro manfaatli faoliyatni kengaytirishga ko‘maklashish maqsadida qo‘shma ishchi guruhi tuziladi. O‘zbekistonning Nyu-Dehlidagi elchixonasida mudofaa bo‘yicha sektor ham paydo bo‘ladi.
Shavkat Mirziyoyevning Hindistonga safari. Asosiy voqealar
