«Shimoliy oqim - 2» mojarosi. Ukraina Rossiyaga «B rejasi» bilan tahdid qildi

Ukrainaning «Naftogaz» kompaniyasi bosh tijorat direktori Yuriy Vitrenkoning aytishicha, Kiyevda «Shimoliy oqim - 2» gaz quvuri ishga tushiriladigan bo‘lsa, zaxira rejasi ham mavjud. Bu haqda Ukraina ommaviy axborot vositalariga tayanib, RIA «Novosti» xabar bermoqda.

Vitrenkoning so‘zlariga ko‘ra, «B rejasi»ga ko‘ra Ukraina tomoni Rossiyadan 12 milliard dollarni tovon puli sifatida talab qiladi. Ushbu miqdor Kiyev tomonidan Xalqaro arbitraj sudiga berilgan da'vo arizasida ko‘rsatilgan va «Shimoliy oqim - 2» ish boshlashi oqibatida hamda mamlakat gaz tashish tizimining ishsiz qolishi natijasida Ukrainaga yetkaziladigan zararni qoplash hisoblanadi.

Vitrenko ko‘rsatilgan miqdorni «oxirigacha olinmagan tarif daromadi uchun kompensatsiya», deb atadi.

Eslatib o‘tamiz, avvalroq Erdo‘g‘an Trampga gaz bo‘yicha qanday javob qaytargani ma'lum bo‘lgandi.

Turkiya prezidenti Rajab Toyyib Erdo‘g‘anning so‘zlariga ko‘ra, Germaniya kansleri Angela Merkel bilan birga mamlakatlar Rossiya gazini sotib olish huquqiga ega ekanligini himoya qilgan.