Grozniyda birvarakayiga 200 nafar kelinchakning turmushga uzatilish marosimi o‘tkazildi - foto

Checheniston poytaxti Grozniy shahrining 200 yilligi munosabati bilan shahardagi gullar xiyobonida 200 nafar kelinchakning nikoh to‘yi uyushtirildi.

Chechen urf-odatlariga ko‘ra, kuyov to‘yda qatnashmaydi.

Marosimda ishtirok etgan mahalliy qariyalarning RIA Novosti’ga hikoya qilib berishicha, kelinchaklar qadimiy chechen odati — «til tugunini yechish» marosimini o‘tashgan va shundan keyingina ularga gapirishga izn berilgan. Kelinchak, suxandonga suv keltiradi, u kelinchakdan ichishga izn so‘raydi. Faqat ruxsatni olgach, kelinchakka yo pul, yoki sovg‘a beriladi. Bu har qanday summadagi pul yoki qimmatbaho sovg‘a ham bo‘lishi mumkin», deyishgan qariyalar.

Yubileyda Checheniston rahbari 200 ta kam ta'minlangan oilaga Grozniydagi yangi kvartiralarning kalitini ham topshirgan.

Grozniy shahriga asos solingan yil deya 1818 yil hisoblanadi. O‘shanda Sunji daryosi qirg‘og‘ida podsho generali Aleksey Yermolov buyrug‘iga ko‘ra «Grozniy» qal'asi quriladi.