IIBB: «jinoiy avtoritetlarga» taqlid qiluvchi yoshlar guruhlari to‘g‘risidagi ma'lumot tasdiqlanmadi

Avvalroq, Kun.uz Facebook ijtimoiy tarmog‘ida jinoyat olami vakillariga taqlid qiluvchilar haqida ma'lumot paydo bo‘lganini xabar bergandi.

«Hozirgi vaqtda Toshkent ko‘chalarida yana o‘g‘rilar harakati rivojlanmoqda. Eng yomoni, bu harakat maktablarning yuqori sinf o‘quvchilari orasida mashhur bo‘lib ketmoqda. O‘ziga xos o‘yin paydo bo‘ldi - «O‘g‘ri hayoti». «Chilonzorliklar» va «Yunusobodliklar» kabi guruhlar o‘z a'zolari va hatto jargonlariga ham ega», - deya ta'kidlab o‘tdi foydalanuvchilardan biri Facebook’dagi «Xalq bilan muloqot» guruhida.

IIBB xodimlari post muallifi tomonidan suratlari joylashtirilgan o‘smirlarni topishdi, ular va ularning ota-onalari bilan suhbat o‘tkazildi, deya xabar beradi Toshkent shahar Ichki ishlar bosh boshqarmasi matbuot xizmati.

«Shunday qilib, barcha o‘smirlar aslida post muallifi nazarda tutgan, tort yoki devordagi suratda nima bo‘lishi mumkinligini «chuqur» tushunishmagan. Ular bir-birlari bilan tanish emaslar: kimdir Uchtepada, boshqalari Olmazor tumanida yashaydi. O‘smirlar o‘z harakatini «sho‘xlik» deb atashdi, bu «o‘g‘rilar dunyosining romantikasi» haqida ko‘p filmlar ko‘rib yuborgan bolalarga xosdir. Ba'zi darajada bolalar o‘zlari uchun noto‘g‘ri qahramonlarni tanlaganida ularning yaqinlari ham aybdordir. Bolalarning ota-onalari buni tan olishdi: «O‘g‘lim bilan suhbatlashishga, nima bilan qiziqishini bilishga, qanday filmlarni tomosha qilayotganini aniqlashga vaqt yo‘q edi», - deydi ularning otalari. Ammo, qo‘shimcha qilishganki, farzandlari, umuman olganda, ijobiy, oddiy bolalar, ularning do‘stlari esa jinoiy dunyodan», - deyiladi IIBB xabarida.

Eslatib o‘tamiz, 2016 yil 16 sentabr kuni O‘zbekiston Respublikasi prezidenti vazifasini bajaruvchi «Ichki ishlar organlari to‘g‘risida»gi qonunni imzoladi.

Ushbu Qonunning 4-moddasida ichki ishlar organlari o‘z vakolatlari doirasida huquqbuzarliklar profilaktikasini amalga oshirishi, ularga olib keladigan sabab va sharoitlarni aniqlashi hamda bartaraf etishi, jinoyatlarga moyil bo‘lgan shaxslarni aniqlashi ta'kidlanadi. 

Bundan tashqari, 2017 yil 14 martda prezident «Huquqbuzarliklar profilaktikasi va jinoyatchilikka qarshi kurashish tizimini yanada takomillashtirish chora-tadbirlari to‘g‘risida»gi qarorni imzoladi, unda mamlakatdagi profilaktika muammolari haqida so‘z yuritiladi.

Bu holatda poytaxt IIBB xodimlari ma'lumotni olishdi, tekshirib ko‘rishdi va u hech qanday salbiy oqibatlarga olib kelmasligiga amin bo‘lishdi.