Jizzax viloyati adliya boshqarmasi boshlig‘i Prezident adminstratsiyasiga ishga o‘tdi

Adliya vazirligi va organlari xodimlari O‘zbekiston Respublikasi Prezidenti administratsiyasining mas'ul lavozimlariga tayinlandi.

Vazirlik matbuot xizmati ma'lumot berishicha, Jizzax viloyat adliya boshqarmasining boshlig‘i Behzod Rahmatilloyevich Boliyev O‘zbekiston Respublikasi Prezidenti administratsiyasi Aholining ijtimoiy qatlamlari bilan ishlash sho‘'basi mudiri lavozimiga tayinlangan.

1980 yil 1 noyabrda Sirdaryo viloyati, Oqoltin tumanida tug‘ilgan Behzod Boliyev 2001 yil, Toshkent davlat yuridik institutini, (bakalavr bosqichini), 2007 yil, Toshkent davlat yuridik institutini (magistratura) 2009 yil, O‘zbekiston Respublikasi Prezidenti huzuridagi Davlat va jamiyat qurilishi akademiyasi tamomlagan. U 2018 yil 8 fevral kunidan Jizzax viloyat adliya boshqarmasi boshlig‘i sifatida ishlab kelayotgandi.

Shuningdek, Adliya vazirligining Nodavlat notijorat tashkilotlar boshqarmasining bosh maslahatchisi Eldor Alisherovich Hasanboyev prezident administratsiyasi Nodavlat notijorat tashkilotlar bilan hamkorlik qilish sho‘'basi yetakchi konsultanti lavozimiga, Hukumat bayonnoma qarorlari va idoraviy normativ hujjatlarni huquqiy ekspertizadan o‘tkazish boshqarmasining bosh maslahatchisi Bobur Bahodirovich Karimov prezident administratsiyasi Davlat hokimiyati respublika organlari bilan ishlash sho‘'basi yetakchi inspektori lavozimlariga tayinlangan.

27 avgust kuni O‘zbekiston prezidenti devoni prezident adminstratsiyasi sifatida qayta tashkil etilgan va unga Zaynilobiddin Nizomiddinov rahbar etib tayinlangandi.