Meyvezer Nurmagomedov bilan jang uchun juda katta pul olmoqchi

Amerikalik bokschi Floyd Meyvezer Mutlaq jangchilar chempionati (UFC) chempioni Habib Nurmagomedov bilan ehtimoliy jang haqida izoh berdi.

Sportchining taxminiga ko‘ra, ularning jangi uchun gonorar, u aralash yakkakurashlar (MMA) bo‘yicha irlandiyalik jangchi Konor Makgregor bilan bahs uchun olgan puldan ko‘p bo‘ladi.

«Habib bilan jang uchun men juda katta pul olaman. Men Konor bilan jangdagidan ham ko‘proq pul topaman. O‘ylashimcha, bu miqdor irlandiyalik bilan jang uchun olgan pulimdan yuz millionga ko‘proq bo‘ladi. Ehtimol, 200 millionga ham oshiqroq bo‘lar», - deya aytib o‘tdi bokschi TMZ bilan suhbatda.

Meyvezerning Makgregor bilan jang uchun gonorari taxminan 300 million dollarni tashkil etgandi.

Eslatib o‘tamiz, avvalroq Makgregor Nurmagomedovga 15 mln dollarlik taklif bilan chiqqani xabar berilgandi.