Peru ichki ishlar vaziri sobiq sudyaning mamlakatdan qochgani uchun iste'foga chiqdi 

Peru prezidenti Martin Viskarra mamlakatdan korrupsiyada gumon qilinayotgan, oliy sudning sobiq sudyasi Sesar Inostrosa qochganidan keyin mamlakat ichki ishlar vaziri Mauro Medinaning iste'fosini qabul qildi.  

“Bo‘lib o‘tgan voqealarning jiddiyligini hisobga olib, men ichki ishlar vaziri iste'fosini qabul qilishga qaror qildim. Biz korrupsiyaga qarshi kurashimizda to‘xtamaymiz”, deb yozgan Peru prezidenti tvitterdagi sahifasida.

Inostrosa oktabr boshida oliy sudda jinoiy korrupsiyaviy to‘dani tashkil etgani gumoni bilan parlament tomonidan o‘z lavozimidan olingan. U hozir Ispaniyada bo‘lib, Peru uning topshirilishiga umid qilmoqda.