Britaniya Jamol Qoshiqchining o‘limi tufayli «keyingi qadamlarni» ko‘rib chiqmoqda

Buyuk Britaniya Tashqi ishlar vazirligining xabar berishicha, mamlakat rahbariyati saudiyalik jurnalist Jamol Qoshiqchining o‘limi tasdiqlangani tufayli keyingi qadamlarni ko‘rib chiqmoqda. Bu haqda Reuters xabar berdi.

«Biz Jamol Qoshiqchining oilasiga, uning o‘limi haqidagi xabarlar tasdiqlangani sababli, chuqur ta'ziya bildiramiz. Biz Saudiya hukumatining hisobotini va o‘zimizning keyingi qadamlarimizni o‘rganyapmiz», - deya ma'lum qilishgan vazirlik vakillari.

Shuningdek, xabarda vazirning so‘zlarini keltirilgan. U aybdorlarni javobgarlikka tortish zarurligi haqida ma'lum qildi.

Eslatib o‘tamiz, avvalroq Saudiya Arabistoni bosh prokurori Saud al-Muajib jurnalist Jamol Qoshiqchining o‘limi bo‘yicha ish yuzasidan 18 kishi qo‘lga olingani haqida xabar bergandi.