Бош вазир ўринбосари Азиз Абдуҳакимовнинг KUN.UZ'га маълум қилишича, бугунга қадар 16 919 киши E-visa тизими орқали Ўзбекистонга кириш визасини қўлга киритган. 280 нафар хориж фуқаросининг аризаси кўриб чиқилмоқда. 19 нафари рад жавобини олган.
Ўзбекистонга кириш визаси учун ариза топширганлар сони бўйича Хитой 4 469 киши билан етакчилик қилмоқда. Ундан кейинги ўринни 1 696 фуқаро билан АҚШ эгаллаб турибди. Ҳиндистон 1 587 нафар фуқароси билан электрон виза статистикасининг учинчи поғонасида жойлашган.
Шунингдек Буюк Британия (1 413), Франция (1018), Германия (895) ва Италия (840) фуқаролари ҳам электрон виза кўрсаткичлари бўйича юқори натижаларни қайд этган.
