Assanj Ekvador talablarini bajarishdan bosh tortdi

WikiLeaks asoschisi Julian Assanj Ekvador hukumati tomonidan o‘zi uchun tuzib chiqilgan xatti-harakat qoidalariga amal qilishdan bosh tortdi. Bu haqda EFE agentligi manbalarga asosan xabar bermoqda.

17 oktabr kuni Londondagi Ekvador elchixonasida istiqomat qilib kelayotgan Assanjga internetda kamroq yozish hamda xonani ozoda saqlash bo‘yicha talab qo‘yilgani ma'lum bo‘lgandi.

EFE ma'lumotlariga ko‘ra, WikiLeaks asoschisi Ekvador rasmiylari tomonidan taqdim etilgan xatti-harakat protokoliga rioya qilishdan bosh tortgan va norozilik belgisi sifatida internetga kirish uchun maxfiy so‘zdan ham voz kechgan.

Julian Assanj Ekvador elchixonasida 2012 yildan beri yashirinib kelmoqda. 2011 yili Britaniya hukumati uni Shvetsiyaga chiqarib yuborish haqida qaror qabul qildi, u yerda jurnalist zo‘rlashda ayblanmoqda. 

Eslatib o‘tamiz, avvalroq Ekvador Britaniya bilan Assanj bo‘yicha muzokaralardan bosh tortgandi.