Marotta «Inter» taklifiga rozi bo‘ldi
«Yuventus»ning sobiq bosh direktori Juzeppe Marotta xuddi shu lavozimda ishlash uchun «Inter»ga kelishga rozi bo‘ldi, ammo u dastlab turinliklar bilan shartnomasini to‘la bekor qilib olishi zarur. Bu haqda Calciomercato xabar bermoqda.
Nashrga ko‘ra, Marotta «Yuve» bilan o‘rtadagi aloqalarni rasman uzishi bilanoq «Inter» taklif etgan hujjatlarga imzo qo‘yadi.
«Neradzurri»ning hozirgi bosh ijrochi direktori Alekssandro Antonello klubdagi faoliyatini Marotta bilan birga davom ettirishi aytilmoqda.
Qo‘shimcha qilinishicha, Erik Tohir o‘rniga «Inter»ning yangi prezidenti sifatida ish boshlagan 26 yoshli Stiven Chjan klubning 110 yillik tarixida davomidagi eng yosh prezidentga aylangan. U o‘tgan hafta bo‘lib o‘tgan matbuot anjumanida 62 yoshli funktsionerni «buyuk inson» sifatida ta'riflagan edi.
Eslatib o‘tamiz, Marotta «Yuve» rahbariyati qarori bilan sentabr oxirida lavozimidan ketgan edi. Uning Turindagi 8 yillik boshqaruvi davrida jamoa 7 karra Italiya chempioni bo‘ldi, ikki marta YeChL finaliga qadar yetib bordi.
Mavzuga oid
21:26 / 17.05.2024
«Yuventus» Allegrini iste’foga chiqardi
23:01 / 28.07.2023
UYeFA «Yuventus»ni Konferensiyalar ligasidan chetlatdi
23:14 / 14.07.2023
«Yuventus» Superliga g‘oyasidan voz kechdi – loyiha ham «o‘limiga» yaqinlashmoqda
11:43 / 19.05.2023