AQSh prezidenti Donald Tramp memorandum imzoladi, u Erondan neft yetkazib berishni rad etishga imkon yaratadi. Tegishli hujjat Oq uy veb-saytida e'lon qilingan.
Prezident tomonidan imzolangan memorandum Davlat departamenti, Moliya vazirligi va Energetika vazirligiga yuboriladi. Unda aytilishicha, u jahon neft bozorini «chuqur tahlil» qilish asosida tuzilgan.
Trampning ta'kidlashicha, Qo‘shma Shtatlardagi neftga bo‘lgan ehtiyojni qondirish uchun dunyoda «yetarlicha» neft va neft mahsulotlari ishlab chiqarilmoqda. Bu ularni Erondan sotib olishni «sezilarli darajada kamaytirish» kerakligini anglatadi.
Eslatib o‘tamiz, avvalroq Eron prezidenti AQShdan qo‘rqmasligi haqida ma'lum qilgandi.
Hasan Ruhoniyning ma'lum qilishicha, mamlakat Qo‘shma Shtatlar tomonining yangi sanksiyalaridan qo‘rqmaydi. Ta'kidlanishicha, Eron neft sektoriga yo‘naltirilgan Amerika tomonining yangi sanksiyalari shu yil 4 noyabrida joriy qilinishi kerak. Ruhoniyning so‘zlariga ko‘ra, ular Vashingtonning Tehronga nisbatan adolatsiz munosabati bo‘yicha yana bir misolga aylanadi.
