Eron prezidenti AQShdan qo‘rqmasligi haqida ma'lum qildi

Eron prezidenti Hasan Ruhoniyning ma'lum qilishicha, mamlakat Qo‘shma Shtatlar tomonining yangi sanksiyalaridan qo‘rqmaydi. Bu haqda Reuters xabar bermoqda.

Ta'kidlanishicha, Eron neft sektoriga yo‘naltirilgan Amerika tomonining yangi sanksiyalari shu yil 4 noyabrida joriy qilinishi kerak. Ruhoniyning so‘zlariga ko‘ra, ular Vashingtonning Tehronga nisbatan adolatsiz munosabati bo‘yicha yana bir misolga aylanadi.

«Ammo odamlarga yaxshi ma'lumki, hukumatda Amerika tahdidlari oldida hech qanday qo‘rquv yo‘qdir», - dedi Ruhoniy. 

Eslatib o‘tamiz, avvalroq Xitoy Eron neftidan voz kechmoqchi ekani xabar berilgandi.