Jinoyat ishlari bo‘yicha Navoiy viloyat sudida O‘zbekiston Respublikasi Jinoyat kodeksining o‘ta og‘ir moddalari bo‘yicha ayblanayotgan Zokir Rahimov ustidan olib borilayotgan sud ishi o‘z nihoyasiga yetdi.
2018 yil 1 noyabr kuni bo‘lib o‘tgan sud majlisida sudlanuvchi Zokir Rahimovga hukm o‘qildi, deb xabar qilmoqda Kun.uz’ning mahkama jarayonida qatnashgan muxbiri.
Zokir Rahimov O‘zbekiston Respublikasi Jinoyat kodeksining 155-moddasi 3-qismi “a”, “b” bandlari, 159-moddasi 4-qismi, 242(2)-moddasi 2-qismi, 223-moddasi 2-qismi, “b”, “v” bandlari, 244(1)-moddasi, 1-qismi bilan aybdor deb topildi.
Zokir Rahimovga uzil-kesil 17 yil muddatga ozodlikdan mahrum qilish jazosi tayinlandi. Jazo umumiy tartibdagi koloniyada o‘talishi belgilandi.
