11:00 / 05.11.2018
6619

Pompeo Yevropa kompaniyalari hamkorlik uchun AQSh yoki Eronni tanlashiga to‘g‘ri kelishini aytdi

Foto: REUTERS

AQShning umumiy harakatlar rejasidan chiqishi bois Yevropa biznesi hamkorlik uchun Amerika yoki Eron kompaniyalaridan birini tanlashiga to‘g‘ri keladi. Bu haqda AQSh davlat kotibi Maykl Pompeo CBS telekanaliga bergan intervyusida ma'lum qildi.

"Yevropa kompaniyalariga har ikki tomon bilan ish olib borishiga ruxsat berilmaydi. Yevropadagi kompaniyalar Erondan chiqib ketmoqda. Mamlakatni yuzlab biznes vakillari tark etdi. Bu sanksiyalar haqiqiy ekanligini, ular muhim ekanligini, sanksiyalar Eron xalqiga mamlakatdagi hayotni o‘zgartirishga imkon berishini butun dunyo tushunib turibdi", dedi u.

Pompeo qator Eron kompaniyalari bilan hamkorlik qilganlarga nisbatan sanksiyalar joriy etilishini eslatib o‘tdi.

Top