O‘zbekistonlik professional bokschi Shohjahon Ergashev Chikagoda o‘zining 15-jangini o‘tkazdi.
Ushbu jangda Ergashevga amerikalik Zaka Remsi raqiblik qildi. 8 raundga mo‘ljallangan jang birinchi raunddayoq yakunlandi - amerikalik bokschi ilk raunddayoq nokautga uchradi.
Ma'lumot uchun, Remsi prof ringda 13ta jang o‘tkazib, ularning 8tasida g‘alaba qozongan (4tasi nokaut bilan). 5 marotaba mag‘lub bo‘lgan (3 marotaba nokautga uchragan).
Shohjahon Ergashev uchun esa bu 15-jangdagi 15-g‘alaba bo‘ldi. U janglarining 14tasida raqiblarini nokautga uchratgan.
