Turkiyaliklar Anqaradagi «Anitbaqir» maqbarasida Turkiya Respublikasi asoschisi Mustafo Kamol Otaturk xotirasini yodga olishdi. Bu haqda Anado‘lu agentligi xabar bermoqda.
Otaturk vafot etgan kunga 80 yil to‘lishi munosabati bilan o‘tkazilgan rasmiy tadbirdan so‘ng maqbara yarim tungacha tashrifchilar uchun ochib qo‘yildi.
Havo sovuqligiga qaramasdan ko‘plab turkiyaliklar Turkiya bayrog‘i va Otaturk portretlari hamda gullar bilan bilan Turkiya Respublikasi asoschisining xotirasini yodga olish uchun kelishdi.
Odamlar Otaturk maqbarasi va Mustaqillik uchun kurash muzeyi oldida ulkan navbat hosil qilishdi.
«Anitbaqir» maqbarasi tashrifchilariga Mustafo Kamol Otaturkning yozib olingan ovozlari qo‘yib berildi.
Foto: Anado‘li
1938 yilning 10 noyabrida Turkiya Respublikasi asoschisi vafot etgandi. O‘shandan buyon har yili 10 noyabr kuni soat 09:05da (u vafoti etgan daqiqa) bir daqiqalik sukut e'lon qilinadi.
