Qaysi tibbiy muassasalar aholiga bepul xizmat ko‘rsatadi?

O‘zbekiston ba'zi tibbiy muassasalar davlat byudjyeti asosida aholiga bepul xizmat ko‘rsatadi, deb yozmoqda Adliya vazirligi telegram-kanali. 

Asosiy tibbiy-sanitar yordam ko‘rsatish muassasalari:

Qishloq va tibbiy vrachlik punktlari;
Qishloq hududiy kasalxonalari;
Tuman va shahar oila poliklinikalari;
Ko‘p tarmoqli tuman va shahar poliklinikalari;
Tuman va shahar tibbiy birlashmalari (xo‘jalik hisobidan faoliyat ko‘rsatuvchi tibbiy muassasalardan tashqari).

Favqulodda va tez tibbiy yordam ko‘rsatish muassasalari:

Respublika shoshilinch tibbiy yordam ilmiy markazi va uning viloyat filiallari;
Tez yordam ko‘rsatish bo‘limlari, stansiyalari va kasalxonalari.

Onalik va bolalikni himoya qilish muassasalari:

Bolalar muassasalari (bolalar uyi, bolalar kasalxonasi, sanatoriyalar, poliklinikalar, markazlar, bolalar bog‘chasi va bo‘limlar);
Tug‘uruqqa yordam ko‘rsatish muassasalari (akusherlik komplekslari, tug‘uruqxonalar, perinatal markazlar – ginekologik bo‘linmalar va koykalardan tashqari);
Onalar va bolalar muassasalari (“Ona va bola” markazlari, Skrining markazlar);
O‘smirlar markazlari.

Ijtimoiy ahamiyatga ega bo‘lgan kasalliklarni davolash muassasalari:

Psixiatrik va psixonevrologik muassasalar (dispanserlar, kasalxonalar, markazlar va sanatoriyalar);
Ftiziatrik muassasalar (klinikalar, dispanserlar, kasalxona va sanatoriyalar);
Onkologik muassasalar (klinikalar, dispanserlar, markazlar va kasalxonalar);
Dermatovenerologik muassasalar (klinikalar, dispanserlar va kasalxonalar – teri tanosil bo‘limlari va koykalardan tashqari);
Endokrinologik muassasalar (klinikalar, dispanserlar va kasalxonalar);
Narkologik muassasalar (dispanserlar va kasalxonalar);
Profpatologik muassasalar (markazlar va bo‘limlar);
Leprozoriya;
OITS markazlari.

Infektsion muassasalar (klinikalar, kasalxonalar, markazlar va bo‘limlar).