Qirg‘izistonda janubiy Botken viloyati prokurori o‘ldirildi 

Janubiy Botken viloyati prokurori Anarbay Mamajakipov yakshanbaga o‘tar kechasi o‘ldirilgan, deb xabar berdi RIA Novosti respublika IIV matbuot xizmati vakili Karima Amanqulovaga tayanib.

"Ushbu holat yuzasidan respublika Jinoyat kodeksining "qotillik" moddasi bo‘yicha jinoyat ishi qo‘zg‘atildi. Gumondor qo‘lga olingan,  u bilan tezkor-surishtiruv ishlari olib borilmoqda", — deb ma'lum qildi Amanqulova.

Uning so‘zlariga ko‘ra, jinoyat sababi va tafsilotlari haqida gapirishga hali erta.

Mamajakipov may oyida Botken viloyati prokurori etib tayinlangandi, unga qadar Talas shahri prokurori vazifasini bajargan.