Ronalduning 50 yillik rekordi, Neapoldagi sensatsiya, Rimdagi jangovar durang – Italiyada tur voqealari

Dam olish kunlari Italiya chempionatida 13-tur o‘yinlari o‘tkazildi. Unda e'tiborga loyiq bo‘lgan bir qancha voqealar yuz berdi.

«YuVeNTUS»NING IShONChI G‘ALABASI, RONALDUNING NAVBATDAGI GOLI

«Yuventus» o‘z maydonida SPAL bilan bellashdi. Turinliklar autsayderlardan biriga qarshi bahsda ortiqcha kuch sarflamay, osonlikcha, 2:0 hisobida g‘alaba qozondilar.

29-daqiqada Krishtianu Ronaldu hisobni ochdi. U Pyanichning jarima zarbasidan oshirgan to‘pini darvozaga yo‘lladi. Bu portugaliyalikning chempionatdagi 9-goli bo‘ldi. 60-daqiqada Duglas Kosta uzoq masofadan zarba yo‘llaganida, darvozabon uni qaytardi. Ammo Manjukich to‘pga yetib kelib, uni darvozaga yo‘lladi.

Bu natijadan so‘ng, «Yuventus» 37 ochko bilan peshqadamlikni yanada mustahkamlab oldi.

.Bellashuvdan keyin, turinliklar himoyachisi Leonardo Bonuchchi g‘alabani quyidagicha izohladi: «Terma jamoa o‘yinlaridan so‘ng, ilk o‘yindayoq yuqori tempda harakat qilish osonmas. Biz juda yaxshi o‘ynab, raqibga imkoniyat bermadik. Ronaldu - top-professional, biz dunyoning eng yaxshi futbolchisi bilan kuchaydik. Endi e'tiborimizni Chempionlar Ligasiga qaratamiz. Biz guruhda birinchi bo‘lmoqchimiz».

Yuventus – SPAL 2:0 (1:0, 1:0)
24 noyabr, «Alyants Stedium»
Gollar: 1:0 – 28 Ronaldu, 2:0 – 60 Mandjukich.
Yuventus – Perin, De Shilo, Rugani, Bonuchchi, Aleks Sandro (Kellini, 87), Kuadrado, Pyanich, Bentankur, Duglas Kosta (Matyuidi, 72), Manjukich, Ronaldu.
SPAL – Gomis, Ladzari, Chonek, Felipe, Bonifatsi, Fares, Missiroli (Valoti, 59), Skyattarella (Valdifori, 83), Kurtich, Antenuchchi, Petanya (Paloski, 85).

Ogohlantirishlar: Chonek (39), Fares (49), Bentankur (64), Skyattarella (74).

NeAPOLDA SeNSATsIYa – «NAPOLI» AUTSAYDeRNI MAG‘LUB ETOLMADI

«Napoli» o‘z maydonida musobaqaning yaqqol autsayderi «Kevo»ni qabul qildi. O‘yin kutilmaganda 0:0 hisobidagi durang natija bilan yakunlandi. Mezbonlar ikki barobar ko‘p vaqt davomida to‘pni nazorat qilib, darvoza tomon 17 marta zarba yo‘lladilar. Biroq, «Kevo» himoyasi bu o‘yinda xatolikka yo‘l qo‘ymadi. Chempionatda biror marta g‘alaba qozonmagan jamoa, haqiqiy sensatsiya qayd etib, Neapoldan ochko bilan qaytadigan bo‘ldi.

Bu natijadan so‘ng, «Napoli» 29 ochko bilan 2-o‘rinda boryapti. Jamoa peshqadam «Yuventus»dan 8 ochko ortda.Bahsdan keyin bosh murabbiy Karlo Anchelotti qoniqarsiz natijaga quyidagicha izoh berdi: «Biz yetarli darajada faol o‘ynamadik, tezlik ham past bo‘ldi. 2-bo‘limda ko‘plab vaziyatlarni yo‘qqa chiqardik, raqib ham juda zich o‘ynadi. Biz «Kevo»ga himoyaviy futbol o‘ynashga yo‘l qo‘yib berdik, bu bizning muammomiz. Chempionlar Ligasidan o‘rin olgan «Tsrveny Zvezda»ga qarshi bahsda bunga yo‘l qo‘ymaslik lozim».

Napoli – Kevo 0:0 (0:0, 0:0)
25 noyabr, «San-Paolo»
Napoli – Karnezis, Malkyui, Albiol, Kulibali, Xyusay (Mariu Ruy, 74), Kalexon, Zelinski, Diavara (Allan, 59), Una (Milik, 59), Mertens, Insine.
Kevo – Sorrentino, Depaoli, Bani, Rossettini, Barba, Radovanovich, Xetemay, Obi (Stempinski, 65), Birsa, Mejorini (Kachchatore, 75), Pellisse (Kiyine, 62).
Ogohlantirishlar: Diavara (21), Barba (57), Xetemay (77), Mariu Ruy (84).

«INTeR» UChINChI O‘RINGA O‘RNAShDI

«Inter» o‘z maydonida «Frozinone» bilan kuch sinashdi va deyarli qiyinchilikka uchramadi. Jamoa 3:0 hisobidagi ishonchli g‘alabani qo‘lga kiritdi. Bosh murabbiy Luchano Spalletti asosiy hujumchisi Mauro Ikardini zaxirada qoldirdi. U Argentina terma jamoasi safidagi o‘yinlardan so‘ng, biroz toliqqan edi. Ikardining yo‘qligida Balde Keyta o‘zini ko‘rsatib, 2ta gol urishga muvaffaq bo‘ldi. Yana bir gol Martines hisobiga yozildi. Bu natijadan so‘ng, «Inter» 28 ochko bilan 3-o‘ringa mustahkam o‘rnashdi.

«Neradzurri» bosh murabbiy Luchano Spalletti bahsdan keyin quyidagi fikrlarni bildirdi: «Inter» Italiya va Yevropaning eng yaxshi jamoalaridan biri bo‘lishga intilmoqda. Biz yanada mukammal bo‘lishimiz kerak. Raqib qarshi hujumlarda xavfli edi, ammo, biz o‘yinni nazorat qilib, ishonchli g‘alabani qo‘lga kiritdik. Biz jozibali o‘yin ko‘rsatdik».

Inter – Frozinone 3:0 (1:0, 2:0)
24 noyabr, «Juzeppe Meatstsa (San-Siro)» stadioni
Gollar: 1:0 – 10 Keyta Balde, 2:0 – 57 Martines, 3:0 – 82 Keyta Balde.
Inter – Xandanovich, D`Ambrozio, de Vrey, Shkrinyar, Asamoa, Galyardini, Valero, Politano (Kandreva, 83), Nainggolan (Joau Mariu, 71), Keyta Balde, Martines (Ikardi, 77).
Frozinone – Sportello, Goldaniga, Ariaudo, Kapuano, Dzampano, Chibsa, Krisetig, Kassata (Gori, 56), Begetto (Gilone, 72), Chiofani, Pinamonti (Kempbell, 77).
Ogohlantirishlar: Krisetig (6), Asamoa (14), Begetto (40), Kassata (44).

RIMDAGI JANGOVAR DURANG

Turning markaziy o‘yini Rimda, «Latsio» va «Milan» o‘rtasida kechdi. Musobaqa jadvalida mos ravishda 4 va 5-o‘rinlarda borayotgan jamoalar o‘yini keskin o‘tdi. Har ikkala klub avvalo himoyada xato qilmaslikka urindi. Qarshi hujumlardagi ko‘plab xavfli vaziyatlar darvozabon va himoyachilar tomonidan bartaraf etildi.

Muxlislar gollarni o‘yin oxirida ko‘rdilar. 78-daqiqada «Milan» qarshi hujumda raqibni jazoladi. Kessie uzoq masofadan kuchli zarba yo‘llaganida, to‘p himoyachi Uollasga tegib, yo‘nalishini o‘zgartirdi va darvozaga kirib ketdi. «Milan» Rimdan g‘alaba bilan qaytishi mumkin edi. Ammo, hakam tomonidan qo‘shib berilgan daqiqalarning so‘nggisida Korrea uzoq masofadan aniq zarba yo‘llab, hisobni tenglashtirdi.

Bu natijadan so‘ng, «Latsio» 23 ochko bilan 4-o‘rinda, «Milan» esa 22 ochko bilan 5-o‘rinda bormoqda.

«Latsio» bosh murabbiyi Simone Indzagi durang natijani quyidagicha izohladi: «Biz g‘alaba qozonmoqchi edik, ammo o‘yin oxirida gol o‘tkazib yuborganimizni inobatga olsak, durang ham yomon natija emas. Biz yaxshiroq o‘ynadik, shu tufayli natijadan ko‘ngil biroz xira bo‘ldi. «Milan» bizni qarshi hujumda jazoladi, bundan tashqari raqib darvozasi oldida omadimiz kelmadi».

«Milan» bosh murabbiyi Jyennaro Gattuzo o‘z fikrlarini quyidagicha bayon qildi: «Ko‘plab futbolchilarimiz jarohatlangan, hozir juda qiyin davrni o‘tkazmoqdamiz. Ammo, bugun iroda namoyish qila oldik. Raqib juda yaxshi o‘ynadi, biz ham munosib qarshilik ko‘rsatdik. Durang adolatli natija bo‘lsa kerak. Endi futbolchilarimizni tiklanib olishini kutamiz».

Latsio – Milan 1:1 (0:0, 1:1)
25 noyabr, «Stadio Olimpiko»
Gollar: 0:1 – 78 Kessie, 1:1 – 90 Korrea.
Latsio – Strakosha, Uolles, Acherbi, Radu (Kaysedo, 82), Marushich, Parolo, Badel, Milinkovich-Savich (Lukaku, 65), Lulich, Luis Alberto (Korrea, 65), Immobile.
Milan – Donnarumma, Abate, Sapata, Rodriges, Kalabriya, Kessie, Bakayoko, Borini, Suso, Chalxanoglu, Kutrone.
Ogohlantirishlar: Milinkovich-Savich (33), Donnarumma (86).

A SeRIYa 13-TURINING BARChA NATIJALARI

24 noyabr

Udineze – Roma 1:0 (0:0, 1:0)
Gol: 1:0 – 54 de Paul.

Yuventus – SPAL 2:0 (1:0, 1:0)
Gollar: 1:0 – 28 Ronaldu, 2:0 – 60 Manjukich.

Inter – Frozinone 3:0 (1:0, 2:0)
Gollar: 1:0 – 10 Keyta Balde, 2:0 – 57 Martines, 3:0 – 82 Keyta Balde.

25 noyabr

Latsio – Milan 1:1 (0:0, 1:1)
Gollar: 0:1 – 78 Kessie, 1:1 – 90 Korrea.

Jyenoa – Sampdoriya 1:1 (1:1, 0:0)
Gollar: 0:1 – 8 Kualyarella, 1:1 – 17, penalti Pyontek.

Parma – Sassuolo 2:1 (2:1, 0:0)
Gollar: 1:0 – 6 Jyervino, 2:0 – 25 Brunu Alvesh, 2:1 – 36, penalti El-Babakar.

Napoli – Kevo 0:0

Empoli – Atalanta 3:2 (1:2, 2:0)
Gollar: 0:1 – 33 Froyler, 0:2 – 40 Xatebur, 1:2 – 42 la Gumina, 2:2 – 77, avtogol Masello, 3:2 – 90 Silvestre.
Chetlatish: Ilichich (Atalanta, 84).

Bolonya – Fiorentina 0:0

26 noyabr
Kalyari – Torino

A SeRIYa JADVALI

A SeRIYa TO‘PURARLARI

10 - Kshishtof Pyontek (Jyenoa, 1 pen)
9 - Krishtianu Ronaldu (Yuventus, 1)
8 - Chiro Immobile (Latsio, 1)
7 - Lorentso Insine (Napoli), Dris Mertens (Napoli, 1), Mauro Ikardi (Inter, 2)

A SeRIYa 14-TUR O‘YINLARI

1 dekabr
SPAL - Empoli
Fiorentina - Yuventus
Sampdoriya - Bolonya

2 dekabr
Milan - Parma
Sassuolo - Udineze
Torino - Jyenoa
Frozinone - Kalyari
Kevo - Latsio
Roma - Inter

3 dekabr
Atalanta - Napoli

TUR AKTsIYaSI 

A Seriya futbolchilari, hakamlari va murabbiylari 13-tur o‘yinlariga yuziga tortilgan qizil chiziq bilan maydonga tushdilar. Bu ayollarga nisbatan zo‘ravonlikka qarshi kurash tadbiri doirasida yuz berdi.

Aktsiya WeWorld Onlus bilan hamkorlikda o‘tkazildi. U ayollar va bolalar huquqi uchun kurashadigan xayriya tashkilotidir.

RONALDU «YuVeNTUS»NING 50 YILLIK ReKORDINI YaNGILADI

«Yuventus» hujumchisi Krishtianu Ronaldu 13-turdan o‘rin olgan SPAL klubiga qarshi bahsda darvozani ishg‘ol qildi.

Bu portugaliyalik to‘purarning turinliklar tarkibidagi 9-goli bo‘ldi. Natijada, Ronaldu klubning 50 yillik rekordini yangilashga muvaffaq bo‘ldi, deb xabar beradi Opta.

So‘nggi bor, «Yuventus» tarkibida dastlabki 13ta turda 9ta gol urgan debyutant 1968/69 mavsumida Petro Anastazi edi.

IBRAHIMOVICh A SeRIYaGA QAYTADI

«Los-Anjyeles Gelaksi» klubining shvetsiyalik hujumchisi Zlatan Ibragimovich «Milan» klubi bilan 6 oylik shartnomani kelishib oldi.

Football Italia xabariga ko‘ra, futbolchi 2010-2012 yillarda sharafini himoya qilgan klubga yanvar oyida qaytishi mumkin. 37 yoshli Zlatanning yarim yillik maoshi 2,2 million yevroga teng bo‘ladi.

Endi «Milan» «Los-Anjyeles Gelaksi» bilan kelishib olishi kerak. Chunki Ibrahimovichning amerikaliklar bilan imzolagan shartnomasi 2019 yil oxirigacha mo‘ljallangan.

MLS o‘tgan mavsumida Zlatan 27 o‘yinda 22 gol urib, to‘purarlar bahsida «Atlanta Yunayted» hujumchisi Xosef Martinesdan (31 gol) keyin ikkinchi bo‘ldi. «Los-Anjyeles Gelaksi» chempionat yakuniga ko‘ra, G‘arbiy konferensiyada 7-o‘rinni egallab, pley-offga chiqa olmadi.

Avvalroq, Ibrahimovich «Milan» tarkibida jami 85 o‘yinda maydonga tushib, 56 gol urgan edi. 2010/11 mavsumida shvetsiyalik to‘purar «rossoneri»ga so‘nggi 7 yil ichida ilk marotaba Italiya chempionati oltin medallarini qo‘lga kiritishga ko‘maklashgan edi.