Poroshenko Ukraina uchun ustuvor vazifani aytdi
Ukraina prezidenti Petro Poroshenko Kerch bo‘g‘ozidagi hodisadan keyin mamlakat uchun ustuvor vazifani ma'lum qildi. Bu haqda tvitterdagi o‘z sahifasida yozgan.
Postda davlat rahbari qo‘llab-quvvatlov uchun Ukraina sheriklariga minnatdorchilik bildirdi.
«Bugun Kremlga bosim o‘tkazish bizning ustuvor vazifamizga aylanishi darkor», - deya ma'lum qildi Poroshenko.
Uning aniqlik kiritishicha, bunday bosim 23 nafar harbiy va uchta kemani Ukrainaga qaytarishga yordam berishi kerak.
25 noyabr kuni FXX Ukrainaning uchta harbiy kemasi Rossiya hududiy suvlariga kirgani haqida xabar qildi. Kemalar Odessadan Mariupolga yo‘l olayotgan bo‘lgan, lekin ularni Kerch bo‘g‘ozidan o‘tkazishmadi. Ukraina tomonining bildirishicha, avval Rossiya kemalar kelishi haqida xabardor etilgan, FXX buning aksini iddao qilmoqda.
Shu kuniyoq Ukraina harbiy-dengiz kuchlari Rossiya katerlari mamlakat kemalari guruhi Kerch bo‘g‘ozidan chiqib ketayotganida unga qarata o‘t ochganini ma'lum qildi. Rossiya chegarachilarining bunday xatti-harakati tufayli olti nafar dengizchi yaralandi.
Eslatib o‘tamiz, avvalroq BMT Xavfsizlik kengashi favqulodda yig‘ilishda Rossiyaning Kerch bo‘g‘ozidagi vaziyatga oid masalani ko‘rib chiqish tashabbusini bloklab qo‘ygandi.
Mavzuga oid
22:33 / 20.09.2024
AEXA Rossiyani Zaporijjya AES hududini zudlik bilan tark etishga chaqirdi
21:46 / 20.09.2024
Ikkinchi tinchlik sammiti urushga chek qo‘yishi kerak - Zelenskiy
20:54 / 20.09.2024
Rossiyadagi eng ko‘p mehnat muhojirlari O‘zbekiston fuqarolari ekani ma’lum qilindi
20:27 / 20.09.2024