Rossiya Qora dengizdagi hodisada harbiylari ishtirok etganini tan oldi

Rossiyalik harbiylar Kerch bo‘g‘ozidagi hodisalarga jalb etilgan. Bu haqda «Interfaks» RF Mudofaasi boshqaruvi Milliy markazi rahbari Mixail Mizintsevga asosan xabar bermoqda.

«Rossiya Federal xavfsizlik xizmati Chegara xizmati, Rosmorrechflot va Janubiy harbiy okrug kuchlarining samarali hamkorligi tufayli 25 noyabr kuni Rossiya Federatsiyasi hududiy dengiziga noqonuniy kirib kelgan Ukraina harbiy-dengiz kuchlari kemalarining provokatsion harakati bartaraf etildi», - deya aniqlik kiritdi u.

25 noyabr kuni FXX Ukrainaning uchta harbiy kemasi Rossiya hududiy suvlariga kirgani haqida xabar qildi. Kemalar Odessadan Mariupolga yo‘l olayotgan bo‘lgan, lekin ularni Kerch bo‘g‘ozidan o‘tkazishmadi. Ukraina tomonining bildirishicha, avval Rossiya kemalar kelishi haqida xabardor etilgan, FXX buning aksini iddao qilmoqda.

Shu kuniyoq Ukraina harbiy-dengiz kuchlari Rossiya katerlari mamlakat kemalari guruhi Kerch bo‘g‘ozidan chiqib ketayotganida unga qarata o‘t ochganini ma'lum qildi. Rossiya chegarachilarining bunday xatti-harakati tufayli olti nafar dengizchi yaralandi.

Eslatib o‘tamiz, avvalroq Ukraina prezidenti Pyotr Poroshenko Rossiya bilan keng miqyosli urush xavfi haqida ma'lum qilgandi.