Bolgariya prezidenti Kerch bo‘g‘ozidagi hodisada kim aybdorligini aytdi

Bolgariya prezidenti Rumen Radevning ma'lum qilishicha, Kerch bo‘g‘ozidagi hodisaga uchinchi davlatlar ham aralashgan. Bu haqda TASS xabar bermoqda.

Uning fikriga ko‘ra, Yevropa Ukraina ichki siyosiy ambitsiyalari asiri bo‘lishi kerak emas.

Shuningdek, uning qo‘shimcha qilishicha, bu voqeada faqatgina Rossiya va Ukraina «aybdor» emas.

Radevning ta'kidlashicha, ushbu «muammoni» hal qilish uchun prinsipial yechimlar topish zarur.

Eslatib o‘tamiz, avvalroq Ukraina Kerch bo‘g‘ozidan foydalanishni davom ettirmoqchi ekani xabar qilingandi.

Ukraina mudofaa vaziri Stepan Poltorakning ma'lum qilishicha, agar zarur bo‘lsa, mamlakat harbiy-dengiz kuchlari (HDK) Kerch bo‘g‘ozidan harakatlanishni davom ettirish niyatida.