O‘zbekiston Respublikasi jismoniy tarbiya va sport vazirligi va O‘zbekiston boks federatsiyasining taqvim rejasiga asosan shu yilning 10–17 dekabr kunlari Samarqand shahridagi Olimpiya zaxiralari tayyorlash markazi sport majmuasida boks bo‘yicha erkaklar o‘rtasida O‘zbekiston chempionati bo‘lib o‘tmoqda.
Musobaqada respublikaning barcha viloyatlari, Qoraqalpog‘iston respublikasi, MHSK, «Dinamo» hamda kasaba uyushmalari jamoalari tarkibidagi 277 nafar charm qo‘lqop ustalari ishtirok etishmoqda.
Ushbu musobaqada terma jamoa favoritlari Hasanboy Do‘smatov, Iqboljon Xoldorov, Rustam To‘laganov, Bobousmon Boturov, Miraziz Mirzaxalilovlar yana bir bor ringda raqiblari bilan kuch sinashadilar.
Musobaqa bu yildan AIBA’ning yangi qonuniga binoan — 52, 57, 63, 69, 75, 81, 91, 91+ kg kabi 8 ta vazn toifasida o‘tkazilmoqda.
Musobaqaning yarim final janglari 16 dekabr, yakshanba, final janglari esa 17 dekabr dushanba kuni bo‘lib o‘tadi.
O‘z muxbirimiz.
