Oliy Majlis Senatining o‘n yettinchi yalpi majlisida O‘zbekiston Respublikasi Oliy sudi tarkibiga o‘zgartirishlar kiritish to‘g‘risidagi masala ko‘rib chiqildi.
Kun.uz muxbiri xabar qilishicha, senatorlar tomonidan Oliy sudning 5 nafar sudyasi saylangan.
Abduvohid Abdukadirovich Kasimov, Tal'atjon Baxtiyorovich Meliboyev, Nodira Aloxonovna Boboxonova va Baxbergen Sagidullayevich Ubaydullayev 10 yil muddatga, Ikram Tuxtamuratovich Muslimov esa muddatsiz davrga O‘zbekiston Respublikasi Oliy sudining sudyasi lavozimiga saylandi.
Boshqa ishga o‘tgani munosabati bilan Oliy sudning 3 nafar sudyasi lavozimidan ozod etilgan: Vohid Mamataliyevich Nazarov, Umidjon O‘rinboyevich Rasulberdiyev va Mahamatibrohim Azimovich Tulanov.
Oliy sud tarkibi oxirgi marta 2017 yilning avgustida o‘zgartirilgandi.
