YeI davlatlari elchilari Rossiyaga qarshi iqtisodiy sanksiyalar yana yarim yilga uzaytirilishini tasdiqladi

Yevroittifoqning 28 davlati elchilari Rossiyaga qarshi iqtisodiy sanksiyalar 2019 yil 31 iyulgacha uzaytirilishini tasdiqladi. Bu haqda Yevropadagi diplomatik manbaga tayanib TASS xabar berdi. 
"Elchilar Rossiyaga qarshi iqtisodiy sanksiyalar yana olti oyga uzaytirilishiga yashil chiroq yoqishdi", degan u.

13 dekabr kuni bo‘lib o‘tgan sammitda Yevroittifoq davlatlari va hukumatlari rahbarlari Rossiyaga qarshi iqtisodiy sanksiyalarning amal qilish muddatini yana olti oyga uzaytirishga qaror qilgandi. Sanktsiyalar muddati 2019 yil 31 yanvarda nihoyasiga yetishi kerak edi.