Shayxontohur tumani hokimi tasdiqlandi

Xalq deputatlari Shayxontohur tumani navbatdan tashqari sessiyasi bo‘lib o‘tdi, deb xabar bermoqda Toshkent shahar hokimligi matbuot xizmati.

Bildirilishicha, sessiyada tashkiliy masala ko‘rilgan.

Shu kunga qadar Shayxontohur tumani hokimi vazifasini bajaruvchi Shuhrat Sanjarovich Muhammadxonov Shayxontohur tumani hokimi etib tayinlandi.

Ma'lumot uchun, Shuhrat Muhammadxonov joriy yilning avgust oyi o‘rtalarida Bahodir G‘oyibnazarov o‘rniga Shayxontohur tuman hokimi lavozimini egallagandi.

Eslatib o‘tamiz, avvalroq Toshkent shahrining 3 tumanida hokimlar lavozimga rasman tasdiqlangandi.