Prezident fuqarolar bilan muloqot qildi

O‘zbekiston Respublikasi prezidenti Shavkat Mirziyoyev 28 dekabr kuni poytaxt markazida tashkil etilgan yangi yil bayrami maydoniga tashrif buyurdi. 

Davlat rahbari matbuot xizmati xabariga ko‘ra, prezident bayram tomoshasiga kelgan odamlar bilan suhbatlashib, bolajonlarga sovg‘alar bergan.

Eslatib o‘tamiz, bugun O‘zbekiston Respublikasi prezidenti Shavkat Mirziyoyev mamlakat parlamentiga navbatdagi Murojaatnomani taqdim etdi.

Davlat rahbari o‘z so‘zining avvalida o‘tayotgan yilda amalga oshirilgan ishlarga to‘xtaldi, so‘ng amalga oshirilishi rejalashtirilgan narsalar haqida ma'lumot berdi.

Prezident Shavkat Mirziyoyev 2017 yil 22 dekabr kuni mamlakat tarixida birinchi marta Oliy Majlisga Murojaatnoma taqdim etgan edi. 

Bu yilgi Murojaatnomada tugayotgan yilda amalga oshirilgan ishlar va kelgusi yilga mo‘ljallangan rejalar, davlat ichki va tashqi siyosatidagi asosiy tamoyillar bayon etildi.