O‘zbekiston – Osiyo Kubogidan oldin o‘rtoqlik o‘yinlarini o‘tkazmagan yagona terma jamoa

O‘zbekiston – Osiyo Kubogidan oldin o‘rtoqlik o‘yinlarini o‘tkazmagan yagona terma jamoa bo‘ladi.

Shu vaqtgacha Yaponiya terma jamoasi ham nufuzli turnirdan oldin, birorta o‘yin o‘tkazmay kelayotgandi. Ammo, 5 yanvar kuni «ko‘k samuraylar» BAAning «Al-Vahda» klubi bilan nazorat o‘yini o‘tkazish haqida kelishib olishdi.

Kun.uz manbasining ma'lumotiga ko‘ra, O‘zbekiston terma jamoasi bosh murabbiyi Ektor Kuper taktikasini oshkor qilmaslik uchun o‘rtoqlik o‘yinlarini o‘tkazishni istamagan. 

Osiyo Kubogi 5 yanvar – 2 fevral kunlari Birlashgan Arab Amirliklarida o‘tkaziladi. Unda tarixda ilk marotaba 24ta jamoa ishtirok etadi. O‘zbekiston terma jamoasi Yaponiya, Ummon va Turkmaniston bilan bir guruhdan joy olgan.