Filippinda kuchli yomg‘ir va ko‘chkilar oqibatida halok bo‘lganlar soni 120 kishidan oshdi

Filippinda «Usmon» tropik turg‘unligi oqibatida yuz bergan kuchli yomg‘ir va ko‘chkilar tufayli halok bo‘lganlar soni 122 kishiga yetdi. Bu haqda Rappler portali Xatarlarni kamaytirish va tabiiy ofatlarni boshqarish bo‘yicha milliy kengashga (NDRRMC) asosan xabar bermoqda.

Avvalroq, 85 kishi halok bo‘lgani haqida xabarlar tarqalgandi.

Idora tomonidan chorshanba kuni e'lon qilingan hisobotga ko‘ra, yana 28 nafar inson bedarak yo‘qolgan deb ko‘rilmoqda, taxminan 60 kishi jarohat oldi. Hammasi bo‘lib tabiiy ofat 75 mingdan ziyod odamga ta'sir ko‘rsatdi, ulardan 30 mingdan ortig‘i evakuatsiya uchun markazlarda joylashgan. Ba'zi tumanlarda 3 va 4 yanvar kunlari ta'lim muassasalarida mashg‘ulotlar bekor qilindi.

Tropik turg‘unlik 30 dekabrda Filippinni tark etdi. Janubiy Kamarines provinsiyasi tabiiy ofatdan eng ko‘p jabr ko‘rdi, u yerda kuchli yomg‘irlar ko‘chki keltirib chiqardi.