2019 yilda 2 ta yangi Boeing 787 Dreamliner samolyoti xarid qilinadi

O‘zbekistonda aholi uchun qulaylik yaratish maqsadida transport-logistika infratuzilmasi yanada rivojlantiriladi, yangi temir yo‘llar quriladi va elektrlashtirish, ko‘rsatilayotgan xizmatlar sifatini oshirish choralari ko‘riladi. Bu haqda 2017–2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturi loyihasida aytilgan.

Qayd etilishicha, 2019 yilga mo‘ljallangan Investitsiya dasturi doirasida amalga oshiriladigan loyihalarning tarmoq jadvallari ishlab chiqiladi.

Bunda:

yangi 2 ta “Boeing 787 Dreamliner” samolyotini xarid qilish, “Toshkent-Sharqiy” zamonaviy aeroportini qurish;

“Andijon-Savay-Xonobod” temir yo‘l uchastkasi modernizatsiya qilish, Toshkent metropolitenining Yunusobod, Sirg‘ali va Toshkent shahrining aylanma yer usti qismining birinchi bosqichini qurish nazarda tutiladi.

Bajarish muddati - yil davomida, ijro uchun mas'ullar - “O‘zbekiston temir yo‘llari” AJ, Moliya vazirligi, Investitsiyalar bo‘yicha davlat qo‘mitasi, O‘zbekiston tiklanish va taraqqiyot jamg‘armasi.