Bunday nomdagi bank paydo bo‘lishi haqida 2017 yilda xabarlar tarqalgandi. O‘shanda bu aksiyadorlik tijorat uy-joy-qurilish jamg‘arma banki bo‘lishi haqida ma'lumot berilgandi.
«Poytaxt bank» faoliyatining asosiy vazifalari va yo‘nalishlari quyidagilardan iborat bo‘ladi:
aholi va yuridik shaxslarning uy-joyga bo‘lgan talablarini qondirish borasida ularga ipoteka krediti berish va bank xizmatini ko‘rsatish;
arzon ko‘p kvartirali uylarni quruvchi pudrat tashkilotlariga kredit resurslarini taqdim etish;
arzon ko‘p kvartirali uylarni loyihalashtirish va qurish borasida buyurtmachi vazifasini bajarish;
Toshkent shahrida ko‘p kvartirali uylarni qurish va ta'mirlashni amalga oshiruvchi ixtisoslashgan pudrat tashkilotlarini kreditlash va lizing xizmatlari ko‘rsatish;
xorijiy investitsiyalar, shu jumladan, zayomlar hamda arzon ko‘p kvartirali uylarni qurishni moliyalashtirish uchun xalqaro moliyaviy institutlarning texnik ko‘magini jalb etish;
investitsiya faoliyatini, jumladan muhandislik infratuzilmasini sifat jihatdan yaxshilashni nazarda tutuvchi ishlanmalar va loyihalarni moliyalashtirishni amalga oshirish;
zamonaviy, tejamli, energiya tejovchi va talab etilgan qurilish materiallari va asbob-uskunalarni ishlab chiqaruvchi tashkilotlarni kreditlash;
universal tijorat banki sifatida yuridik va jismoniy shaxslarga boshqa bank xizmatlarini ko‘rsatish.
«Poytaxt bank»ning ustav kapitali boshlang‘ich hissa tariqasida Toshkent mahalliy byudjyetidan 3 mlrd so‘m jalb qilish, shuningdek yuridik va jismoniy shaxslar, jumladan xorijiy investorlarning mablag‘larini jalb etishni inobatga olgan holda kamida 10 mln yevro ekvivalentida shakllantirilishi mumkin.
