Bloomberg: Tramp va Kim Chen Inning navbatdagi uchrashuvi Vetnamda o‘tkazilishi mumkin

AQSh va KXDR vakillari AQSh prezidenti Donald Tramp va KXDR rahbari Kim Chen In o‘rtasida Xanoy shahrida uchrashuv o‘tkazish ehtimolini muhokama qilishmoqda. Bu haqda Bloomberg agentligi xabar berdi.

Agentlikning bildirishicha, Vashington shuningdek, Indoneziya, Mongoliya, Gavayi va KXDR hamda Koreya Respublikasi chegarasidagi Pxanmunjom chegara punktini ham ehtimoliy uchrashuv joyi sifatida ko‘rib chiqmoqda.

Yakshanba kuni Tramp AQSh ikkinchi sammitni o‘tkazish uchun KXDR bilan muzokara o‘tkazayotganini ma'lum qilgandi.

Ikki davlat rahbarlari o‘rtasidagi birinchi uchrashuv o‘tgan yilning 12 iyunida Singapurda bo‘lib o‘tgandi.