Energetik ichimliklarni 18 yoshga to‘lmagan shaxslarga realizatsiya qilganlik uchun jarima miqdori belgilandi

O‘zbekiston Respublikasi prezidenti “O‘zbekiston Respublikasining ayrim qonun hujjatlariga jamoat tartibini ta'minlash mexanizmlarini takomillashtirishga qaratilgan o‘zgartish va qo‘shimchalar kiritish to‘g‘risida”gi qonunni imzoladi.

O‘zbekiston Respublikasining 1994 yil 22 sentyabrda qabul qilingan 2015–XII-sonli Qonuni bilan tasdiqlangan O‘zbekiston Respublikasining Ma'muriy javobgarlik to‘g‘risidagi kodeksiga quyidagi o‘zgartish va qo‘shimchalar kiritildi:

164-modda:

quyidagi mazmundagi oltinchi qism bilan to‘ldirildi:

«Energetik ichimliklarni o‘n sakkiz yoshga to‘lmagan shaxslarga realizatsiya qilish, –

fuqarolarga eng kam ish haqining besh baravaridan o‘n baravarigacha, mansabdor shaxslarga esa – yetti baravaridan o‘n besh baravarigacha miqdorda jarima solishga sabab bo‘ladi»;

oltinchi qismi yettinchi qism deb hisoblanadi.