To‘xtatib bo‘lmas «Yuventus», ajoyib «kambek»lar, faxriy to‘purarning rekordi – Italiyada tur voqealari

Dam olish kunlari Italiya chempionatida 21-tur o‘yinlari o‘tkazildi. Unda e'tiborga loyiq bo‘lgan bir qancha voqealar yuz berdi.

TO‘XTATIB BO‘LMAS «YuVeNTUS»NING IRODALI G‘ALABASI

«Yuventus» safarda «Latsio» bilan bellashdi. Mezbonlar peshqadamga qarshi juda yaxshi o‘yin namoyish qilishdi. Rimliklar 1,5 taym davomida tashabbusga ega bo‘lib, raqibga hatto o‘z darvozasi tomon zarba berishga ham imkon berishmadi. 59-daqiqada Luis Alberto burchak zarbasini amalga oshirgach, Emre Jan to‘pni o‘z darvozasiga yo‘llab qo‘ydi. Shundan so‘ng, «Latsio» yana ikkita zo‘r vaziyatni qo‘ldan chiqardi. Immobile darvozabon bilan yuzma-yuz chiqib, uni aldab o‘tolmadi. Luis Alberto esa to‘pni darvozaning yuqori burchagiga joylab bilmadi.

Shundan so‘ng, Massimiliano Allegri o‘yin taqdirini hal qilgan ikkita o‘zgarishni amalga oshirib, maydonga Kanselu va Bernardeskini tushirdi. Natijada, ular dastlabki vaziyatni golga aylantirishdi. 74-daqiqada Bernardeski to‘pni jarima maydoniga yetkazganida, Dibalaning zarbasini darvozabon Strakosha qaytara oldi, ammo Kanselu to‘pga yetib kelib, uni darvozaga yo‘lladi. Hisob tenglashgach, «Latsio» bosh murabbiyi Simone Indzagi yetakchilarni zaxiraga oldi, bu esa unga qimmatga tushdi - tashabbus to‘lig‘icha «Yuventus» tomoniga o‘tdi. O‘yin yakunlanishiga 5 daqiqa qolganida Kanselu penalti ishlab oldi. Krishtianu Ronaldu uni aniq amalga oshirib, jamoasiga g‘alaba keltirdi.

Latsio – Yuventus 1:2 (0:0, 1:2)
27 yanvar, «Stadio Olimpiko»
Gollar: 1:0 – 59, avtogol Jan, 1:1 – 74 Joau Kanselu, 1:2 – 88, penalti Ronaldu.
Latsio – Strakosha, Bashtush (Netu, 90), Uolles, Radu, Leyva, Parolo, Lulich, Milinkovich-Savich, Luis Alberto (Berisha, 81), Immobile (Kaysedo, 82), Korrea.
Yuventus – Shchensni, De Shilo, Bonuchchi (Kellini, 41), Rugani, Aleks Sandro, Jan, Matyuidi (Bernardeski, 60), Bentankur, Duglas Kosta (Joau Kanselu, 70), Ronaldu, Dibala.
Ogohlantirishlar: Jan (24), Leyva (49), Matyuidi (49), De Shilo (70), Rugani (73), Milinkovich-Savich (80), Kellini (80).

«NAPOLI» MILANDA OChKOLARNI YO‘QOTDI

«Napoli» safarda «Milan» bilan o‘ynadi. Anchelotti shogirdlari bahsda biroz tashabbusga ega bo‘lishdi. Biroq, «Milan» himoyada yaxshi o‘ynadi, darvozabon Donnarumma esa ishonchli harakat qildi. Birinchi bo‘limda Kalexon va Kutrone zarbalari esda qoldi. «Napoli» yarimhimoyachisining kuchli zarbasini Donnarumma qaytargan bo‘lsa, mezbonlarning yosh hujumchisiga aniqlik yetishmadi. Ikkinchi bo‘lim «Milan» hujumlari bilan boshlandi. Kessiye jarima maydoniga yorib kirib, zarba yo‘llaganida, himoyachilar to‘p yo‘liga to‘g‘anoq bo‘lishdi. Paketaning zarbasidan keyin to‘p to‘g‘ri darvozabon Ospinaga kelib tushdi. Bo‘lim o‘rtasida «Napoli» hisobni ochishi mumkin edi. Ammo Milikning kuchli va aniq zarbasini Donnarumma qiyinchilik bilan qaytara oldi. O‘yin yakunida «Milan» 2ta qulay vaziyatni boy berdi. Pyontek darvozabon bilan yuzma-yuz chiqqanida himoyachi Kulibali to‘pni uning oyog‘i tagidan tepib yuborishga ulgurdi. Musakko esa yaqin masofadan zarba yo‘llaganida, Ospina aqlbovar qilmas chaqqonlik bilan to‘pni qaytara oldi.

Natijada o‘yinda hisob ochilmay qoldi. Shubhasiz, bu har ikkala jamoa raqiblari foydasiga bo‘ldi. «Napoli» peshqadam «Yuventus»ni quvib yetish umidini so‘ndirayotgan bo‘lsa, «Milan» kuchli to‘rtlikka kirish imkoniyatini boy berishi mumkin.

Milan – Napoli 0:0
26 yanvar, San-Siro stadioni  
Milan – Donnarumma, Kalabriya, Musakko, Romanoli, Rodriges, Kessie, Bakayoko, Lukas Paketa (Borini, 69), Suso, Kutrone (Pyontek, 71), Chalxanoglu (Laksalt, 90).
Napoli – Ospina, Malkyui, Albiol, Kulibali, Mariu Ruy (Gulyam, 72), Kalexon, Fabian Ruis, Zelinski, Insine (Una, 88), Mertens (Verdi, 80), Milik.
Ogohlantirishlar: Kutrone (17), Fabian Ruis (18), Albiol (86).
Chetlatish: Fabian Ruis (90).

«INTeR» TURINDA YuTQAZDI

«Inter» safarda «Torino» bilan o‘ynadi. Bellashuv kutilmaganda mezbonlar g‘alabasi bilan tugadi. «Inter» mazmunsiz o‘yin namoyish etib, 5ta o‘yindan iborat mag‘lubiyatsiz seriyasiga barham berdi. Bahs davomida «neradzurri» to‘pni nazorat qilishgan bo‘lsa-da, Sirigu darvozasi oldida xavfli vaziyatlarni sodir qilisholmadi. Ikardi qulay vaziyatlarga deyarli ega bo‘lmadi, «Torino» zich himoya orqali uni to‘sishga muvaffaq bo‘ldi.

Mezbonlar e'tiborni himoyaga qaratib, qarshi hujumlar va standart vaziyatlardan o‘z imkoniyatini izladilar. Bu oxir-oqibatda samara berdi. 35-daqiqada amalga oshirilgan burchak zarbasidan so‘ng, Itsso boshi bilan to‘pni darvozaga yo‘lladi.

Ikkinchi bo‘limda ham vaziyat o‘zgarmadi. «Inter»ning raqib himoyasini yorib o‘tish uchun qilgan barcha harakatlari zoye ketdi. O‘yin yakunida milanliklar katta kuch bilan oldinga o‘tishgan edi, biroq bu hech qanday samara bermadi.

Torino – Inter 1:0 (1:0, 0:0)
27 yanvar, «Olimpiko di Torino» stadioni
Gol: 1:0 – 35 Itsso.
Torino – Sirigu, Itsso, Nkulu, Djidji, de Silvestri, Ansaldi (Berenger, 81), Rinkon, Lukich (Bazelli, 78), Ayna, Dzadza (Yago Falke, 89), Belotti.
Inter – Xandanovich, Shkrinyar, de Vrey, Miranda (Nainggolan, 54), D`Ambrozio, Vesino (Kandreva, 83), Brozovich, Dalbert, Joau Mariu (Politano, 71), Ikardi, Martines.
Ogohlantirishlar: de Vrey (31), Belotti (40), Dalbert (45), D`Ambrozio (55), Ayna (76), Dzadza (84).
Chetlatish: Politano (86).

AJOYIB «KAMBEK»LAR

Tur doirasida o‘tkazilgan 2ta o‘yinda ajoyib «kambek»larga (yutqazayotgan jamoalarning hisobdagi farqni irodali tarzda yo‘qqa chiqarishiga) guvoh bo‘ldik.

«Parma» o‘z uyida SPAL klubini qabul qilib, 2:0 hisobida oldinda borayotgan bo‘lsa-da, oxirda mag‘lubiyatga uchradi. Parmaliklar Inglezening 11 va 53-daqiqalardagi gollari evaziga 2ta to‘p farqi bilan raqibdan o‘zib ketishgandi. Biroq, SPAL so‘nggi 20 daqiqa ichida nafaqat hisobni tenglashtirish, balki g‘alabani ilib ketishga o‘zida kuch topa oldi. Valoti, Petanya va Fare gollari mehmonlarga ajoyib g‘alabani taqdim qildi. Bu bilan SPAL 11ta o‘yindan iborat g‘alabasiz seriyasiga barham berdi.

Parma – SPAL 2:3 (1:0, 1:3)
Gollar: 1:0 – 11, penalti Ingleze, 2:0 – 53 Ingleze, 2:1 – 70 Valoti, 2:2 – 75 Petanya, 2:3 – 87 Fares.

«Atalanta» o‘z maydonida «Roma»ni qabul qilib, 0:3 hisobidagi mag‘lubiyatdan qutulib qoldi. O‘yin mezbonlarning tashabbusi ostida o‘tgan bo‘lsa-da, raqib qarshi hujumlardan unumli foydalanib, uchta gol urishga muvaffaq bo‘ldi. Jyeko (2ta) va El-Shaaravining gollari «Roma»ga yirik hisobdagi g‘alabani keltirayotgan edi. Biroq «Atalanta» juda katta iroda va ishtiyoq evaziga uchta gol urishga muvaffaq bo‘ldi. 45-daqiqada Kastane, 59-daqiqada Toloi gollari evaziga hisob qisqardi. 70-daqiqada Sapata penaltini aniq amalga oshirolmaydi, biroq, oradan 1 daqiqa o‘tgach o‘yindan gol urib o‘z xatosini to‘g‘riladi.

Atalanta – Roma 3:3 (1:3, 2:0)
Gollar: 0:1 – 3 Jyeko, 0:2 – 33 Jyeko, 0:3 – 40 El-Shaaravi, 1:3 – 44 Kastan, 2:3 – 59 Toloi, 3:3 – 71 Sapata.

21-TURNING BARChA NATIJALARI

26 yanvar
Sassuolo – Kalyari 3:0 (2:0, 1:0)
Gollar: 1:0 – 9 Lokatelli, 2:0 – 45, penalti El-Babakar, 3:0 – 87 Matri.
Sampdoriya – Udineze 4:0 (1:0, 3:0)
Gollar: 1:0 – 33, penalti Kualyarella, 2:0 – 56, penalti Kualyarella, 3:0 – 68 Linetti, 4:0 – 78 Gabbyadini.
Milan – Napoli 0:0 (0:0, 0:0)
Chetlatish: Fabian Ruis (90, Napoli).

27 yanvar
Torino – Inter 1:0 (1:0, 0:0)
Gol: 1:0 – 35 Itsso.
Chetlatish: Politano (86, Inter).
Latsio – Yuventus 1:2 (0:0, 1:2)
Gollar: 1:0 – 59, avtogol Jan, 1:1 – 74 Joau Kanselu, 1:2 – 88, penalti Ronaldu.
Kevo – Fiorentina 3:4 (1:2, 2:2)
Gollar: 0:1 – 4 Muriel, 0:2 – 26 Benassi, 1:2 – 38 Stempinski, 2:2 – 60, penalti Pellisse, 2:3 – 79 Keza, 2:4 – 86 Keza, 3:4 – 89 Jorjyevich.
Chetlatish: Benassi (59, Fiorentina).
Atalanta – Roma 3:3 (1:3, 2:0)
Gollar: 0:1 – 3 Jyeko, 0:2 – 33 Jyeko, 0:3 – 40 El-Shaaravi, 1:3 – 44 Kastan, 2:3 – 59 Toloi, 3:3 – 71 Sapata.

Parma – SPAL 2:3 (1:0, 1:3)
Gollar: 1:0 – 11, penalti Ingleze, 2:0 – 53 Ingleze, 2:1 – 70 Valoti, 2:2 – 75 Petanya, 2:3 – 87 Fares.
Bolonya – Frozinone 0:4 (0:2, 0:2)
Gollar: 0:1 – 18 Gilone, 0:2 – 21 Chiano, 0:3 – 52 Pinamonti, 0:4 – 75 Chiano.
Chetlatish: Mattello (13, Bolonya).

28 yanvar
Empoli – Jyenoa

A SeRIYa JADVALI

A SeRIYa TO‘PURARLARI

16 - Fabio Kualyarella (Sampdoriya, 4 pen)
15 - Duvan Sapata (Atalanta, 1), Krishtianu Ronaldu (Yuventus, 5)
14 - Kshishtof Pyontek (Jyenoa/Milan, 2)
11 - Chiro Immobile (Latsio, 2)
Arkadiush Milik (Napoli)
9 - Franchesko Kaputo (Empoli, 1), Mauro Ikardi (Inter, 3)
8 - Roberto Ingleze (Parma, 1), Mario Manjukich (Yuventus), Dris Mertens (Napoli, 1)

22-TUR O‘YINLARI

2 fevral

Empoli - Kevo
Napoli - Sampdoriya
Yuventus - Parma

3 fevral

SPAL - Torino
Jyenoa - Sassuolo
Udineze - Fiorentina
Inter - Bolonya
Roma - Milan

4 Fevral

Frozinone - Latsio
Kalyari - Atalanta

KUALYaReLLA A SeRIYa ReKORDINI TAKRORLADI VA TO‘PURARLAR BAHSIDA YeTAKChILIK QILMOQDA

«Sampdoriya» hujumchisi Fabio Kualyarella golli seriyaning uzunligi bo‘yicha Italiya chempionati rekordini takrorladi.

35 yoshli futbolchi «Udineze»ga qarshi o‘yinda raqib darvozasini 2 marta ishg‘ol qildi. Natijada, u qatorasiga 11ta o‘yindan beri maydonni golsiz tark etmayapti (13ta gol). Avvalroq, bunday ko‘rsatkichga 1994 yili «Fiorentina» klubida o‘ynagan Gabriel Batistuta erishgan edi.

Kualyarella A Seriya to‘purarlari ro‘yxatida 16ta gol bilan peshqadamlik qilyapti.

RONALDU 24 YILLIK ReKORDNI YaNGILADI

«Yuventus» hujumchisi Krishtianu Ronaldu A Seriya doirasidagi «Latsio»ga (2:1) qarshi kechgan bahsning 88-daqiqasida penaltidan darvozani ishg‘ol qilib, g‘alaba goli muallifiga aylandi.

E'tiborlisi, portugaliyalik futbolchi liganing ketma-ket sakkizinchi safar o‘yinida maydonni golsiz tark etmayapti. Bu 1994/95 mavsumidan buyon qayd etilgan eng yaxshi natija sanaladi.