16:55 / 30.01.2019
40228

Toshkentda 15 kilogramm simobni 100 ming dollarga sotmoqchi bo‘lgan shaxslar ushlandi

Foto: Davlat bojxona qo‘mitasi axborot xizmati

Simob nihoyatda zaharli moddalar qatoriga kiradi. Ayniqsa, uning ochiq holda bug‘lanib havoda tarqalishi inson sog‘lig‘iga jiddiy zarar yetkazishi mumkin. Ammo shunga qaramay mo‘may daromad evaziga mazkur zaharli moddani noqonuniy sotishga uringan ayrim kimsalar ham uchrab turibdi.

Davlat bojxona qo‘mitasi axborot xizmati xabariga ko‘ra, Toshkent shahar bojxona boshqarmasining Kontrabanda va bojxona qonunchiligi buzilishiga qarshi kurashish bo‘limi tomonidan Bektemir tumanida o‘tkazilgan tadbir davomida fuqarolar D.A. va Z.A. “shartli xaridor”ga 15 kilogramm simobni 100 ming AQSh dollariga sotmoqchi bo‘lgan vaqtda qo‘lga olindi.

Hozirda mazkur holat bo‘yicha bojxona tekshiruvlari davom ettirilmoqda.

Top