Qator G‘arb davlatlari Rossiya va Turkiyaning Idlib bo‘yicha kelishuvi amalga oshishiga xalaqit berish uchun "Hayyat Tahrir ash-Shom" guruhi terrorchilarini qo‘llab-quvvatlamoqda. Bu haqda Turkiya tashqi ishlar vaziri Mevlut Chovusho‘g‘lu Demiroren agentligiga bergan intervyusida ma'lum qildi.
"Ayrim G‘arb davlatlari Idlib bo‘yicha memorandumni buzish uchun "Hayyat Tahrir ash-Shom" jangarilarini qo‘llamoqda. Ularga pul bermoqda, qo‘llab-quvvatlamoqda, - dedi u. – Men "Hayyat Tahrir ash-Shom" o‘z mavqeini mustahkamlamoqda deb o‘ylamayman. Ular Suriyaning ma'lum hududlaridan ketishga majbur bo‘lishdi, hozir esa yana qaytishga urinishmoqda".
Shu bilan birga Chovusho‘g‘lu terrorchilarni aynan qaysi davlatlar qo‘llab-quvvatlayotganiga aniqlik kiritmadi.
