Boliviya prezidenti Evo Morales venesuelalik hamkasbi Nikolas Maduro bilan uchrashdi. Bu haqda u o‘zining tvitterdagi sahifasida yozgan.
Morales postida Maduroni «birodarim», deb atagan va uni to‘liq qo‘llab-quvvatlashini bildirgan. Bundan tashqari, u davlat to‘ntarishini va Venesuela milliy boyliklarini egallab olishga bo‘lgan harakatni qoraladi. Qayd etilishicha, bu xalqaro huquqning buzilishi hisoblanadi.
«Boliviya to‘qnashuvlarning oldini olish uchun muloqotni qo‘llab-quvvatlaydi», - dedi Morales.
Eslatib o‘tamiz, avvalroq Guaydo AQShning Venesueladagi vaziyatga harbiy aralashuvini istisno qilmagandi.
