Pompeo Eronga qarshilik qilmasdan turib Yaqin Sharqda tinchlikka erishib bo‘lmasligini aytdi

Foto: Laszlo Balogh/Getty images

AQSh davlat kotibi Mayk Pompeo Eronga qarshilik qilmasdan turib Yaqin Sharqda tinchlik o‘rnatib bo‘lmasligini aytdi.

U Varshavada bo‘lib o‘tayotgan Yaqin Sharq bo‘yicha konferensiyada ana shunday bayonot berdi.

"Eronga qarshilik qilmasdan turib Yaqin Sharqda tinchlik va barqarorlikka erishib bo‘lmaydi. Buning shunchaki iloji yo‘q", - dedi Pompeo va Eronning Livan, Yaman, Suriya va Iroqdagi "yovuz ta'siri"ni eslatdi.

"Isroil bosh vaziri va yetakchi arab davlatlarining tashqi ishlar vazirlari yonma-yon bo‘lishdi va g‘ayrioddiy kuch, aniqlik va birgalikda Eron rejimining umumiy tahdidiga qarshi fikr bildirishdi", -dedi u.

Eron tashqi ishlar vaziri Javod Zarif Varshavada tashkil etilgan mazkur konferensiyani "o‘lik tug‘ilgan" deb atadi.