Rossiya va Belarus yetakchilari Vladimir Putin hamda Aleksandr Lukashenkoning chang‘ida uchishi tasvirlangan video paydo bo‘ldi. Bu haqda RIA «Novosti» xabar qilmoqda.
Aniqlik kiritilishicha, prezidentlarning tog‘-chang‘i trassasida paydo bo‘lishi sayyohlarni juda hayratga solgan.
Putin trassaning sifatini baholagan, shuningdek, markazga tashrif buyurgan kishilardan biri bilan suhbatda chang‘ini snouborddan yaxshiroq deb hisoblashi haqida aytib o‘tgan.
Shu bilan birga, prezident vaqti kelib snoubordda ham o‘zini sinab ko‘rish istagi borligini bildirgan.
Avvalroq, Belarus yetakchisi kurortni maqtagani va Sochini o‘z uyi deb bilishi haqida xabarlar tarqalgandi.
Eslatib o‘tamiz, bundan avval Lukashenko Belarusga G‘arb va Sharqdan tahdid borligi haqida ogohlantirgandi.
