Foto: Reuters
Rimning sobiq meri Janni Alemanno korrupsiya uchun 6 yillik qamoq jazosiga hukm qilindi.
Boshlang‘ich instansiya sudi qarori Rimda 2014 yil dekabrda avj olgan va “Mafia Capitale” (Poytaxt mafiyasi) deb nom olgan shov-shuvli korrupsion mojaroning tergovi jarayonida qabul qilindi.
Rimga 2008-2013 yillar merlik qilgan Alemannoga mafiya foydasiga noqonuniy qarorlarni qabul qilgani uchun 223 ming yevro pora olish ayblovi qo‘yilgan. Pullar Alemanno asos solgan Nuova Italia jamg‘armasi hisob raqamiga o‘tkazilgan.
61 yoshli siyosatchi hukm e'lon qilingandan keyin uni “xato” deb atagan va appelyatsiya sudiga murojaat qilishga va'da bergan.
