Yaponiya Hindiston va Pokistonni vazminlikka chaqirdi

Foto: EPA/KIMIMASA MAYAMA

Yaponiya tashqi ishlar vaziri Taro Kononing ma'lum qilishicha, Tokio Hindiston va Pokistonni hozirgi mojaroga muloqot yo‘li bilan yechim topishga chaqiradi. Bu haqda TASS xabar bermoqda.

«Yaponiya Kashmirdagi vaziyat keskinlashib ketganidan xavotirga tushmoqda», - dedi Kono.

Shuningdek, uning qo‘shimcha qilishicha, Tokio Islomobodni terrorchilarga qarshi qat'iy choralar ko‘rishga chaqiradi.

Kononing qayd etishicha, Yaponiya har ikki tomonni ham vazmin bo‘lishga chaqiradi.

Eslatib o‘tamiz, avvalroq Pokiston va Hindiston yana bir-biriga o‘t ochgandi.

Tayyorlagan Отабек Матназаров

#Hindiston #Yaponiya #Pokiston

14 fevral kuni Pokiston hududida o‘rnashgan «Jaysh-e-Muhammad» terrorchi guruhi Kashmirda Hindiston armiyasi harbiylari kolonnasi o‘tayotgan yo‘lda terakt sodir etishi natijasida 46 nafar hind harbiysi halok bo‘ldi. Bu voqea ortidan Pokiston va Hindiston munosabatlarida mojaro yana avj oldi.