Foto: EPA-EFE
"Tolibon" harakati a'zolarining Afg‘oniston shimoli-sharqidagi Tohar viloyati Yangi-qal'a tumanidagi bozorga hujum qilishlari oqibatida uch kishi halok bo‘ldi. Bu haqda mahalliy hokimiyat vakillariga tayanib "Sinxua" agentligi xabar berdi.
Agentlikning ma'lumotlariga ko‘ra, toliblar ertalab tuman markazidagi bozorga hujum qilishgan. Hujum xavfsizlik kuchlari tomonidan qaytarilgan.
Xabar berilishicha, yetti kishi jarohatlangan.
1 mart kuni Afg‘oniston janubidagi Gilmand viloyatida joylashgan harbiy bazaga jangarilar hujumi oqibatida xavfsizlik kuchlarining kamida 40 xodimi halok bo‘lgandi.
