Eng yaxshi mashina 23 ta davlatdan 60 jurnalistdan tashkil topgan hakamlar hay'ati ovoz berishiga ko‘ra aniqlangan. Tanlovning yarim asrlik tarixida ilk bor g‘olib 2-turdan keyingina aniqlangan, chunki Jaguar I-Pace va Alpine A110 bir xil ochko (250 balldan) to‘plashgan. Qo‘shimcha bosqichda ko‘pchilik ishtirokchilar Jaguar I-Pace’ga ovoz berishgan.
Mashina umumiy hisobda 400 ot kuchi beruvchi ikkita elektr dvigatel bilan jihozlangan bo‘lib, joyidan 100 km/soat tezlikka 4,8 soniyada erisha oladi va maksimal tezligi 200 km/soat qilib cheklangan. Motorlar 90 kVt-soatlik litiy batareyalardan quvvatlanadi. Mashina bir quvvatlanish bilan 470 km yo‘l bosa oladi.
Tanlovning qolgan ishtirokchilariga kelsak, 3-o‘rinni 3-avloddagi Kia Ceed xetchbegi, 4-o‘rinni Ford Focus egallagan. Keyingi o‘rinlarni Citroen C5 Aircross va Peugeot 508 fransuz modellari hamda Mercedes-Benz A-Class egallagan.
2018 yilda Yevropada Volvo XC40 krossoveri yil avtomobili deb topilgandi.
