AQSh Shimoliy Koreyaning yadroviy qurolsizlanish muddati haqida ma'lumot berdi

Koreya yarim orolining yadrosizlanishi Donald Tramp prezidentligining birinchi muddati tugashiga qadar yakunlanadi. Bu haqda AQSh Davlat departamenti vakili jurnalistlarga brifingda ma'lum qildi, deb xabar bermoqda TASS.

Uning so‘zlariga ko‘ra, yadroviy qurolsizlanish masalasi bo‘yicha ish ushbu muddatlar asosida amalga oshirilmoqda. Davlat departamenti vakilining qayd etishicha, Vashington ma'muriyatida belgilangan rejalarga erishish uchun yetarlicha vaqt bor.

Trampning prezidentlik lavozimidagi muddati 2021 yil 20 yanvarda tugaydi. Shu bilan birga, Amerika yetakchisi 2020 yilgi saylovlarda g‘alaba qozonishiga ishonch bildirgan. Bu holatda, ikkinchi muddat 2025 yil 20 yanvarda yakuniga yetadi.

Bundan oldin, Davlat departamenti Kim Chen Inning va'dasi haqida ma'lum qilgandi.

Davlat departamentining yuqori martabali vakili ma'lum qilishicha, Shimoliy Koreya yetakchisi Kim Chen In Janubiy Koreya prezidenti Mun Chje Inga KXDR Soxe raketa poligonini yo‘q qilishi hamda u yerga xalqaro inspektorlarning kirishiga imkon yaratishi to‘g‘risida va'da bergan.