Davlat departamenti Kim Chen Inning va'dasi haqida ma'lum qildi

AQSh Davlat departamentining yuqori martabali vakili ma'lum qilishicha, Shimoliy Koreya yetakchisi Kim Chen In Janubiy Koreya prezidenti Mun Chje Inga KXDR Soxe raketa poligonini yo‘q qilishi hamda u yerga xalqaro inspektorlarning kirishiga imkon yaratishi to‘g‘risida va'da bergan. Vakilning so‘zlari RIA «Novosti» tomonidan keltirildi.

Qayd etilishicha, Pxenyandagi sammit vaqtida Kim Chen In shunday va'da bergan.

«Shuningdek, Kim Chen In Shimoliy Koreya bu obektni yo‘q qilish niyatida ekani va xalqaro inspektorlarning u yerga kirishiga ruxsat bermoqchiligi to‘g‘risida alohida ma'lum qildi», - deya qo‘shimcha qilib o‘tgan vakil.

Eslatib o‘tamiz, avvalroq AQSh KXDRga qarshi sanksiyalar ehtimoli haqida ma'lum qilgandi.