08:10 / 13.03.2019
9759

Saakashvili Ukrainaga prezident saylovlarining ertasi kuni qaytishini aytdi 

Foto: RIA Novosti / Stringer

Gruziyaning sobiq prezidenti va Ukrainaning Odessa viloyati sobiq gubernatori Mixail Saakashvili Ukrainaga 1 aprelda qaytmoqchiligini, chunki prezident Pyotr Poroshenko 31 mart kuni bo‘lib o‘tadigan prezident saylovlarining 2-bosqichiga o‘ta olmasligiga ishonchi komilligini va bunday holda unga mamlakatga kirishga hech kim to‘sqinlik qila olmasligini aytdi.  

“Men 1 aprel kuni “Borispol” aeroportiga (Kiyev) qo‘nmoqchiman. Men bu chiptani Poroshenko 2-bosqichga o‘ta olmasligiga ishonchim komilligi uchun sotib oldim. U 2-bosqichga o‘ta olmagani sabab hech qaysi chegarachi meni Ukrainaga qo‘ymaslik haqidagi uning buyrug‘ini bajarishni istamasligiga ishonchim komil”, deb aytgan Saakashvili jurnalist Dmitriy Gordonga bergan intervyusida.

Saakashvili o‘z so‘zlari isboti sifatida telefonida sotib olingan chiptani ko‘rsatgan.

Top