Mazkur aksiya tashkilotchilariga ko‘ra, 2019 yil 3 aprel kuni o‘tkazilishi reja qilingan aksiya boshlanish arafasida www.e-hilolnashr.uz serveri bilan bog‘liq muammo yuzaga kelgan. Ushbu muammo tufayli veb-sahifa va dastur ishlamay qolgan. Shu sababli aksiyada qatnashmoqchi bo‘lgan foydalanuvchilar dasturni yuklagach ro‘yxatdan o‘ta olmay qolishgan. «Hilol Nashr» jamoasi buning uchun barcha foydalanuvchilardan uzr so‘ragan holda, aksiya muddatini uzaytirdi.
Hozirda server bilan yuzaga kelgan muammo to‘liq bartaraf etilgan. Shu munosabat bilan bugun, 4 aprel sanasida soat 20.00 gacha aksiya davom etadi va Hilol eBook dasturidan ro‘yxatdan o‘tganlar uchun quyidagi 60 ta elektron kitob bepul taqdim qilinadi:
– «Hadis va Hayot to‘plami» (34 ta juzi);
– «Zikr ahlidan so‘rang» 1-2-3-4-5-6-7-juzlar;
– «Xislatli hikmatlar sharhi» 1-2-3-4-5-juzlar;
– «Kifoya» 1-2-3-juzlar;
– «Ruhiy tarbiya» 1-2-3-juzlar;
– «Islom tarixi» 1-2-juzlar;
– «Baxtiyor oila»;
– «Mukammal saodat yo‘li»;
– «Ijtimoiy odoblar»;
– «Sunniy aqiydalar»;
– «Qur'on ilmlari»;
– «Rasululloh sollallohu alayhi vasallam».
Shoshiling, Hilol eBook dasturida ro‘yxatdan o‘ting va yuqoridagi kitoblarning elektron nashriga ega bo‘ling! Taqdim etilgan kitoblarni dasturning «Xaridlarim» bo‘limidan istalgan vaqtda yuklab olishingiz mumkin bo‘ladi.
«Hilol eBook» qanday dastur?
«Hilol eBook» elektron va audio kitoblar dasturi bo‘lib, ushbu dastur orqali shayx Muhammad Sodiq Muhammad Yusuf hazratlarining barcha kitoblarini yuklab olib, o‘qish mumkin. Shuningdek, dasturdan Tohir Malik, Ahmad Muhammad Tursun, Ziyovuddin Rahim va Hasanxon va Husaynxon Yahyo Abdulmajid kabi mualliflarning ham elektron va audio kitoblari o‘rin olgan.
«Hilol eBook» dasturidan dunyoda eng ko‘p tarqalgan Android, iOS, Windows, Mac hamda Linux (Ubuntu) operatsion sistemalarda ishlovchi jihozlarda foydalanishingiz mumkin. Ta'kidlash joizki, «Hilol eBook» dasturi yuqoridagi 5 ta operatsion sistemada ham baravar ishlovchi O‘zbekistondagi birinchi dasturdir.
