Indoneziyada «Hijab Travel» televizion dasturi O‘zbekiston haqidagi maxsus ko‘rsatuvlar namoyishini boshladi 

Indoneziyaning «Trans 7» telekompaniyasi aprel oyida 10 kunlik safar bilan O‘zbekistonga tashrif buyurgan edi. Safardan so‘ng jamoa taniqli «Hijab Traveling» televizion dasturi uchun teleko‘rsatuv tayyorladi.

Hozirda Indoneziyaning «Trans 7» kanalida O‘zbekiston haqidagi maxsus ko‘rsatuvlar namoyishi boshlandi. Quyida teleko‘rsatuv tizerini tomosha qilishingiz mumkin. 

Turizmni rivojlantirish Davlat qo‘mitasi xabar berishicha, ijodiy guruh Toshkent shahri va Toshkent viloyati, Samarqand, Buxoro va Xorazm viloyatlarida maxsus qadamjolar, ziyoratgohlarga tashrif buyurgan. Bundan asosiy maqsad – indoneziyalik tomoshabinlar orasida O‘zbekiston va uning go‘zal maskanlari haqidagi xabardorlikni oshirish hisoblanadi.